Partia Lëvizja e Legalitetit përmes një komunikimi ka deklaruar se:
Arrestimi sot nga policia shqipëtare i Murteza Kastratit nga Lipjani, ish luftëtar i UÇK, është akt inferioriteti dhe kapitullimi i Tiranës zyrtare perballë asaj të Beogradit.
Ndalimi i tij nga policia shqiptare është bërë për shkak të një kërkese të Serbisë përmes Interpolit.
Organet perkatsese zyrtare në Tiranë, duhet të jenë të kujdesshëm dhe nuk duhet të kthehen në shërbëtore të Beogradit, si dikur duke survejuar prej sigurimit të shtetit shqipëtarët kosove ose edhe duke i’a rikthyer ata UDB.
Neve na takon, me të drejtën tonë, të jemi të prerë dhe në mbrotje deri në fund të luftës dhe luftëtarëve të UÇK, si lufta më e drejtë që solli lirinë dhe pavarsinë e Kosovës.
Serbia pasi pushtoj, vrau dhe spastroj etnikisht Kosovën prej shqiptarëve të gjendur në trojet e tyre, kërkon me të gjitha format të njollosë luftën dhe luftëtarët e UÇK-së sikur ata të ishin pushtues dhe jo në mbrotje të vatanit të tyre.
Prandaj, gabime të tilla si ky i sotmi, duke zbatuar urdhra për llogari të Serbisë pavarsisht nga vijnë dhe nga kush rekomandohen, nuk duhet të ndodhin, në të kundert bejmë punën e Serbisë.
