Në nje artikull të datës 19 korrik të publikuat në disa media online dhe rrjete sociale, shfaqen disa mesazhe sesi studentëve u bëhet presion për të votuar për kandidatë të caktuar në zgjedhjet për strukturat drejtuese të universiteteve që do të mbahen më 30 korrik.
Presioni studentëve të Mjekësisë u bëhet në emër të profesorëve të ndeyshëm e për rrjedhojë ngrihet pyetja se çfarë e shtyn pedagogun e fakultetit të ndërhyjë në mënyrë direkte në zgjedhjet për anëtarët e Senatit Akademik në rradhët e studentëve. Pikërisht përgjigjen e kësaj pyetjeje rreket të japë trajtimi në vijim.
Sipas te dhenave qe paraqiten dhe ne raportin shpjegues te vet Bordit te Administrimit shihet qarte qe ne drejtim te Keshillit Studentor UMT jane derdhur shuma te konsiderushme monetare, afersisht 160 milion leke, pergjate viteve 2014-2017 per aktivitete si winter apo summer school, konferenca, trajnime etj.
Këshilli studentor,i cili e ka të ndaluar ligjërisht ushtrimin e veprimtarisë ekonomike ,por siç shihet edhe ne dokumentin e meposhtem,ne kundershtim me ligjin, ka ushtruar veprimtari ekonomike duke përfituar të ardhura në mënyrë të paligjshme e të padrejte dhe jashte objektit te veprimtarise te Keshillave Studentore.
Se dyti pjesemarresit ne keto aktivitete referojne se kane paguar tarifa,per te cilat arka e UMT nuk rregjistron asnje te ardhur.
Se treti,keto vlera monetare jane derdhur ne llogari personale te individeve te caktuar,c’ka perben nje tjeter shkelje ligjore.
Paligjshmëria e ka shoqëruar individin në fjalë qysh prej kohës kur drejtonte këshillin studentor dhe deri më sot, pasi është përfshirë në garën për përfaqësuesit e studentëve në Senatin Akademik duke ushtruar presion ndaj studentëve që këta të fundit të mbështesin kandidaturat e preferuara të tij. E thënë më ndryshe, ashtu sikurse edhe u përcillet studentëve, fjalët e pedagogut nuk janë formë presioni ndaj studentëve, por një thirrje e sinqertë për të patur përfitime në shkëmbim të votës.
Tani le të rikthehemi tek pyetja se çfarë interesi ka një pedagog që të përfshihet në mënyrë direkte në zgjedhjet e përfaqësuesve të studentëve në Senatin Akademik?
Interesi i pedagogut nuk është përfaqësimi sa më dinjitoz i studentëve pasi në këtë rast ai do duhet të kishte organizuar qoftë edhe online një përballje mes kandidatëve nga rradhët e studentëve, duke ndihmuar kështu trupën studentore që të identifikojë më lehtë atë që vërtet do i përfaqësojë denjësisht. Në vend të një qëndrimi asnjëanës, mbajtja e një qëndrimi dhe ofrimi i lehtësirave në këmbim të mbështetjes lë të kuptohet se interesi është tërësisht personal.
Lexuesi mund të shtrojë me të drejtë pyetjen se me çfarë lidhet konkretisht ky interes, ndaj e mira është që ta sqarojmë edhe këtë pjesë. Me zgjedhjen e përfaqësuesve të preferuar të tij, veprimtaria e ushtruar të paktën për vitet nga 2014 deri në 2017 do të ishte më e lehtë për t’u ushtruar sërisht, në këtë mënyrë do të lehtësohej edhe mundësia për të krijuar përfitime të paligjshme nga struktura që e kanë të ndaluar kategorikisht ushtrimin e veprimtarisë ekonomike. Kush përfiton dhe kush humbet?
Nga e gjithë historia, humbësit të cilëve do t’u hidhej veshja e triumfatorit (nëpërmjet përfitimeve të padrejta) janë studentët. Ndërsa përfituesit e vërtetë do të ishin ata që ushtrojnë veprimtari të kundërligjshme dhe që studentin e përfytyrojnë si ATM-në e rradhës.
Më shumë se kurrë, sot organizmat përfaqësuese në Universitetin e Mjekësisë dhe atë shqiptar në përgjithësi kanë nevojë të ecin në rrugën e drejtë dhe të ligjshmërisë. Ndërsa studentët e Universitetit të Mjekësisë dhe hapesires universitare në përgjithësi kanë nevojë për përfaqësim dinjitoz.
