Sot në selinë e PLL, një perfaqësi e kryesisë së shoqatës “QËNDRESA DHE REZISTENCA E TË BURGOSURVE DHE TRASHËGIMTARËVE POLITIK TË SHQIPËRISË“, e drejtuar nga HUANITO MARTINI zhvilluan një takim me kryetarin e PLL, Shpëtim Axhami.
Gjatë takimit doli në pah detyrimi ligjor dhe moral që ka çdo qeveri ndaj kësaj shtrese, detyrime të cilat nuk janë përmbushur si duhet gjatë këtyre 30-viteve.
U dakortësua me nënshkrimin e një marrveshje të shpejtë, ku brenda saj të shihet mundesia e unifikimit të votave të kësaj shtrese brenda subjektit PLL dhe gjithashtu PLL të këmbëngulë politikisht në realizimin e kërkesave të vendosura prej tyre.
PLL e ka pikë programore dhe detyrim të saj, për vetë nga çfarë ne përfaqësojmë, mbrojtjen e interesave dhe zgjidhjen e kerkesave për këtë shtrese ku edhe vete ne i perkasim.
Gjithashtu PLL, ngelet e hapur dhe ju bën thirrje, perfaqësuesve të shtresës së përndjekur dhe persekutuar politik prej diktatures komuniste, të shohin mundësinë dhe të afrohen pranë PLL ku ju do të gjeni mundësinë e perfshirjes në listat tona të kandidimit.
