Duke uruar aplikantët e rinj për magjistratë, ambasadori i BE-së, Luigi Soreca shkruan në Twitter se reforma në drejtësi po ecën përpara.
Sipas Sorecës kjo shkollë e magjistraturës ka në dorë të ardhmen e reformës në drejtësi dhe kanë në anën e tyre edhe BE-në.
Soreca: Reforma në drejtësi po ecën përpara dhe zbatimi i saj duhet të vazhdojë. Është mirë të shohësh shumë të rinj shqiptarë – të gatshëm të jenë pjesë e sistemit të ri të drejtësisë.
Ne i urojmë gjithë të mirat për aplikantët e sotëm për magjistratë dhe këshilltarë, 277 kandidatë për 100 poste për këtë vit akademik të Shkollës së Magjistraturës. Shkolla ka në duart e saj të ardhmen e reformës në drejtësi dhe BE-në në anën e saj. Shqipëria ka nevojë për magjistratë të rinj që janë vërtet të pavarur, të gatshëm të rezistojnë nga ndërhyrjet politike dhe presioni i mediave.
Por këshilltari i CDU-së, Martin Henze ka replikuar me Sorecën duke i thënë se reforma në drejtësi është një katastrofë.
Henze: Ju po flisni shumë marrëzi. Reforma e sistemit të drejtësisë është një katastrofë, jam i sigurt që jeni në dijeni edhe për mendimet e Komitetit të Venecias. Çfarë do të thoshin italianët nëse Soreca do të prezantonte reformën në drejtësi? Më falni, gjykatat supreme do të jenë të shfuqizuara për vitet e ardhshme, mirë?
