Barcelona nuk ia doli të fitonte kundër Sevilla, ndërkohë që pas ndeshjes ishte mbrojtësi Gerard Pique ai i cili u shpreh se me lojën që po bëjnë nuk mund të dalin kampionë. Gjatë ndeshjes pati edhe tension, konkretisht në fundin e pjesës së parë.
Lionel Messi u nevrikos keq me Diego Carlos, pasi ky i fundit shkaktoi një faull ndaj Luis Suarez. Argjentinasi nuk u përmbajt dhe shkoi drejt kundërshtarit, duke e shtyrë atë. Futbollisti i Sevilla u mundua ta zmadhojë atë shtyrje dhe përfundoi në tokë.
Grumbull lojtarësh dhe arbitri i ndeshjes nuk e ndëshkoi Messin. Ata që e pësuan ishin Busquets dhe Fernando. Mediat në Spanjë justifikojnë Messin për veprimin e bërë, duke shkuar se ai u kap me Diego Carlos për shkak të ndërhyrje që kishte bërë edhe më parë.
Veç uruguaianit të sulmit, kanë qenë edhe lojtarë të tjerë viktima të ndërhyrjeve të tij, mes tyre edhe vetë Lionel Messi.
