Ditëlindjet janë gjithmonë të veçanta e të bukura. Ndihesh mirë kur e gjen veten mes urimeve të pafundme dhe aq dashëse. Kjo ditëlindje pa diskutim që do të jetë e pa harruar për këngëtaren dhe gazetaren Ilda Mërkuri.
Një lajm mjaft i bukur ka gëzuar zemrat e të gjithëve. Këngëtarja dhe prezantuesja e njohur shqiptare Ilda Mërkuri Luka, është bërë nënë për herë të parë.
Ilda e cila njihet për zërin e saj potent si në radio ashtu dhe në këngë, prej kohësh kishte kurorëzuar dashurinë me biznesmenin Agron Luka.
Jetën e saj këngëtarja e hitit “Super Star” e ndante mes Romës dhe Shqipërisë, ku për asnjë moment nuk u shkëput nga show bizz-i. Ndonëse më shumë kohë i dedikonte familjes, ajo solli për publikun baladën e ndjerë “Shpirti im e di”, e cila u bë mjaft e pëlqyer, sidomos për ata që kishin humbur njerëzit e afërt.
Pas periudhës jo fort të këndshme në vend, gazetarja dhe këngëtarja e njohur është bërë nënë e një vajze. Mësohet se të dyja gëzojnë shëndet të plotë dhe se Ilda me padurim pret ti kthehet normalitetit, ku së bashku me bashkëshortin do ti sigurojnë vogëlushes një jetë prej princeshe.
Kujtojmë se këngëtarja dhe bashkëshorti i saj janë të apasionuar pas udhëtimeve, pushimeve dhe jetës luksoze. Pa diskutim që nuk do të kursejnë asgjë edhe për princeshën e vogël, e cila është fryt i një dashurie të madhe.
Duke e përgëzuar këngëtaren dhe gazetaren për statusin më të bukur në botë (nënë), duke i dëshiruar edhe 100 ditëlindje më të bukura dhe duke i uruar shëndet të plotë asaj dhe vogëlushes, si dhe lumturi në familjen e re, shpresojmë që lajme të tilla të dëgjojmë e lexojmë më shpesh!/InfoPressAlbania/
Vogëlushen prindërit e kanë pagëzuar me emrin Sofia!
