Kryetari i Partisë Aleanca Demokristiane, Zef Bushati, përmes një statusi në profilin zyrtar, është pozicionuar kundër projektit të prezantuar nga kreu i bashkisë Tiranë për teatrin e ri kombëtar, të cilin e ka konsideruar qendër biznesi dhe që bie në kundërshtim me principet e teatrove, të cilat me rolin dhe ndikimin e tyre nuk kanë aspak lidhje me këto lloj strukturash që janë më shumë qendra biznesi se sa ambiente argëtuese.
Në reagimin e tij, ish-ambasadori Bushati, e ka këshilluar kryebashkiakun Veliaj ta marrë seriozisht cështjen e Teatrit Kombëtar, pasi ky institucion u takon qytetarëve dhe si i tillë duhet t’u shërbejë atyre.
Ky projekti yt Erjon Velia per Teatrin Kombetar ne Tirane, nuk eshte Teater. Projekti yt eshte Qender Biznesi. Shikoje si eshte Teatri Kombetar qe duan qytetaret e Shqiperise. Te keshilloj te merresh seriozisht me Teatrin Kombetar. Kinema brenda Qendrave te biznesit ka kudo ne bote, por teater jo. Teatri i takon qytetareve dhe jo biznesit. Qytetaret e Shqiperise nuk do ta falin nese atyre u merr Teatrin Kombetar dhe e vendos brenda nje Qendre Bisnesi.
