Propozimi i ish-ministrit të shëndetësisë, Ilir Beqaj, për uljen e pensioneve dhe të rrogave të administratës, si një opsion në kuadër të masave frenuese të krizës ekonomike, ka ngjallur një reagim të madh, duke e shënjestruar ish-ministrin si të papërgjegjshëm për propozimin e tij dhe mjaft cinik ndaj pensionistëve dhe buxhetorëve, të cilët mezi ia arrijnë të përballojnë muajin me të ardhurat e tyre.
I furishëm ka qenë në prononcimin e tij, ish-deputeti Eduart Ndocaj, një zë mbrojtës i shtresave të varfëra, por dhe realist në këndvështrimet social-ekonomike, i cili nuk është kursyer aspak ndaj ish-ministrit, të cilin e ka konsideruar një hajdut dhe një grabitës të madh të pasurisë së shqiptarëve, pasi nuk janë të largëta ditët kur ky i pashpirt, që sot propozon të ulë pensionin dhe rrogat e administratës, ka përvetësuar pasur përrallore përmes aferave të shumta dhe korrupsionit galopant.
Ish-ministri Beqaj, është një ndër ministrat më të akuzuar për korrupsion, pasi nën drejtimin e tij, shëndetësia ka njohur një nivel të lartë korrupsioni si dhe ka aktivizuar disa koncensione, të cilat në kushtet e një shteti ligjor, duhet të jenë objekt hetimesh të mëdha.
Ndiqeni prononcimin e Ndocajt:
Ish Ministri i Shendetesise Ilir Beqja, djali i profesorit komunist Hamit Beqaj, i akuzuar nga opozita per korrupsion ne detyren e ishministrit, propozon te ulen pensionet 25% dhe rrogat e nepunesve 10%. Banda e hajduteve te korruptuar ne pushtet kerkojne tu rrembejne djersen pensionisteve dhe punonjeve me rroge shteterore, mesuesve, mjekeve, etj.
