Agjërim të lehtë!
Të nderuar besimtarë myslimanë Librazhdas, në emrin tim dhe te Deges PD, ju uroj gëzuar muajin e begatë të Ramazanit.
Muaji madhërueshëm i Ramazanit është ai, në të cilin ka zbritur Kur’ani, që është udhërrëfyes për njerëzit,pra, kushdo nga ju që e dëshmon këtë muaj, le të agjërojë!
Ne jetojmë në kohë të veshtira dhe ditët që po kalojmë janë të lodhëshme, stresante, sepse covid 19, ka pushtuar botën, ka izoluar njerëzimin, ka gjunjëzuar qeveritë dhe shkencën. Kjo situatë! kërkon solidaritet, bashkëveprim dhe kurajo për të tjekaluar koronavirusin dhe parandaluar, depresionin dhe urinë (zot na ruaj). Problemet janë të shumta, më shqetësuese është pamundësia ekonomike që sjellë ngjarje të rënda brenda familjes ku shpeshë herë lëkunden ekuilibrat, duke prishur mbarëvajtjen e jetës shoqërore në tërësi.
Myslimanë dhe bashkëqytetarë të feve të tjera, të bëhemi bashkë kundër së keqes, të kthejmë besimin dhe shpresën tek fëmijet tanë, të ndalim sharlatantizmin edvinian për ëndrrën e tij, shtypëse ndaj lirisë dhe vendosjen e autokracisë. Të bëhemi bashkë të mbrojmë vlerat dhe pasuritë që të parët tanë mbrojtën dhe na dhuruan. Të bëhemi bashkë si uragan në mbrojtje të lirisë, të votës dhe barazisë para ligjit, kështu do mundësojme dashurinë për familjen, pronën dhe kombin.
Allahu na e pranoftë agjërimin, adhurimet dhe veprat e mira, ky muaj na sjelltë begati, mirësi, paqe e dashuri.
Kryetar Dega E PD Librazhd.
Bujar Vreto
23-04-2020