Ish- kandidati për bashkinë e Lezhës në zgjedhjet e 30 qershorit, Eduart Ndocaj, përmes një postimi në rrjetet sociale, ka shprehur shqetësimin e tij në lidhje me keqmenaxhimin e bashkisë Lezhë, si dhe situatën e krijuar nga politikat e ndjekura të kreut të kësaj bashkie, duke lënë më mëshirë të fatit qindra familje, pa asnjë mbështetje në ushqime dhe mjete financiare.
Pasi ka renditur disa arsye për gjendjen e krijuar, Ndocaj ka vënë theksin tek akuza e tij e përhershme ndaj Pjerin Ndreut, të cilin vazhdimisht e cilëson si trafikant dhe të lidhur me bandat.
Në publikimin e tij, Ndocaj u ka kujtuar bashkëqytetarëve të tij, se ky qytet me vlera të mëdha historike dhe civilizuese nuk meriton të ketë trafikantë në drejtim të tij, pasi koha do dëshmojë se sa e gabuar dhe me pasoja për zhvillimin e saj ishte zgjedhja e bërë më 30 qershor.
