Kryeministri Edi Rama tha se do të lejohet lëvizja me makinë private për të shkuar në punë.
Me një komunikim në facebook, kryeministri u shpreh se lëvizja do të lejohet vetëm në orarin e përcaktuar, 05:00-08:00 për të shkuar dhe 16:00-17:30 për t’u kthyer, ndërsa shtoi se sot mund të jetë gati edhe aplikimi i ri.
Rama shtoi se në aplikim do të shtohet edhe një fashë e veçantë për ata që punojnë me turne.
“Fasha orare e lëvizjes me makinë private për në punë, do t’i lejojmë dhe po bëhemi gati sot mbase do tju paraqesim dhe një aplikim shumë të thjeshtë për të hequr ato strese e vështirësi të natyrshme, në mënyrë që kush ka automjet privat të shkojë në punë, por brenda fashës orare, jo të marrë automjetin për në punë e të bjë xhiro nëpër qytet. Do të lejojmë lëvizjen e automjete private për në punë, por brenda fashës orare, 05:00-08:00 për të shkuar dhe 16:00-17:30 për t’u kthyer. Në aplikim do të ketë edhe një fashë të veçantë për ata që kanë punën me turne“, tha Rama.
