Memoriali i vendvarrimit i heroit tonë kombëtar Gjergj Kastrioti Skënderbeu në Lezhë sonte është ndriçuar nga të gjitha anët me ngjyrat e Flamurit Shqiptar dhe atij Italian, në shenjë solidariteti me situatën e vështirë që po kalon Italia, e cila është goditur rëndë nga Covid-19.
Italia vazhdon ditët e pikut më të lartë të pandemisë.
Gjatë 24 orëve të fundit janë regjistruar 760 viktima dhe numri i tyre në total ka shkuar në 13 915.
Pacientët e infektuar deri më sot me koronavirus janë 115 242 dhe gjatë 24 orëve të fundit janë regjistruar 4668 raste të reja.
Ndërkohë, 4053 persona po kurohen në repartet e terapisë intensive, 28 540 në struktura spitalore dhe 50 456 në kushte izolimi shtëpiak.
Çdo ditë po rritet në mënyrë të ndjeshme edhe numri i pacientëve të shëruar.
Deri më sot janë 18 278 pacientë të shëruar dhe janë 1431 pacientë të shëruar më shumë se një ditë më parë.
