Kreu i PD-së në një komunikim të gjatë me gazetarët është shprehur se është urgjente që qeveria të nisë depistimin në masë të gjerë të popullsisë me tamponë për COVID 19 pasi vetëm kështu do të shihet shkalla e infektueshmërisë dhe do të izolohen e trajtohen rastet me koronavirus duke ndërprerë zinxhirin e infektimit.
“Kjo është e vetmja mënyrë që të mos shkojnë dëm sakrifica e 3 javëve izolim.
Kam dëgjuar fjalë që nuk dua ti zë besë që dhe për testimin po mendohen skema që të favorizohen njerëz pranë qeverisë dhe dua ta bëj të qartë se kushdo që do të përpiqet të përfitojë do të japë llogari Kjo do të ishte ështe kriminale dhe do të mbajnë përgjegjësi. Shpresoj që të jetë thjesht paaftësi apo mungesë organizimi”, u shpreh Basha.
Gjithashtu ai u shpreh se qeveria duhet të ndërpresë çdo qindarkë që shkon për shërbime të tjera “Çdo qindarkë duhet të shkojë për mbështetje për shëndetësinë, për çdo familje që të ketë cash për të blerë nevojat bazike dhe mbështetje për ekonominë shqiptare për të gjithë aktivitetin prodhues apo çdo tjetër që ëhstë goditur nga kriza”, tha ai.