Ndërprerja e kampionateve për shkak të alarmit të koronavirusit pritet të vendosë në vështirësi të madhe financiare klubet e futbollit.
Që tani, shumë prej tyre kanë marrë masa paraprake, duke kërkuar uljen e pagave të futbollistëve.
Por në disa raste këto vendime janë shoqëruar me refuzimin e lojtarëve, duke detyruar klubet të shkojnë në ekstrem.
Ky është edhe rasti i gjigandëve të futbollit kroat, Dinamo Zagreb, që ka prishur kontratat me të gjithë futbollistët.
Vetëm trajneri ka shpëtuar, teksa deri në një vendim të dytë, lojtarët janë të shkarkuar.
