Ish-ministrja e Jashtme e Partisë Socialiste, Arta Dade, e cila prej kohësh ka dalë kundër Edi Ramës dhe lidershpitit të tij në PS, ka kritikuar Kongresin që u mbaj në fundjavën e shkuar. Dade e ftuar dje në emisionin “Arena”, se brenda PS-së është vrarë demokracia, dhe hodhi akuza kundër Ramës duke thënë se ka larguar nga strukturat në mënyrë arbitrare njerëz që kishin vlera dhe kontribute.
“Unë Kongresin e kam ndjekur nga televizioni. Sado bëra përpjekje të mos e ndiqja, por mesaduket brenda meje vazhdon të jetë shqetësimi për këtë forcë politike që i kushtuam 27 vjet të jetës. Kam qenë e nderuar që kam qenë në krah të personaliteteve për ti dhënë një fytyrë të re partisë. Si mua ka dhe figura të tjera të Partisë Socialiste dhe sidomos pas 2009, personalitete të spikatura në fushën e tyre. Sigurisht që kjo ka qenë në mënyrë arbitrare. Sepse nëse dikush e lë karrierën sepse nuk zgjidhet dhe nuk zbaton rregullat e partisë, kjo është normale. Por kjo ka ardhur si rezultat i mbytjes së demokracisë së brendshme në parti”, u shpreh ish-anëtarja e Kryesisë së PS.
Më tej Dade tha se në Kongres shkuan njerëz me lista nga bashkitë dhe sipas saj nëse nuk ka zgjedhje për kryetarin, zgjedhjet e tjera janë fiktive. “Kjo mori theks në veçanti pas ndryshimeve kushtetuese të 2008. Nëse forcat politike nëse do kishin demokracinë e brendshme mund ti jepnin Shqipërisë një parlament të mirë. Kjo nuk bë, u dha një kartë që është keqpërdorur kryetarëve të partisë. Në rastin konkret i dha një kartë Edi Ramës. Në Kongres unë nuk dëgjova asnjë folës të artikulonte fjalën “rilindje”. Madje çirreshin për Partinë Socialiste. Nëse nuk zgjidhet kryetari i partisë, nuk zgjidhet asnjë strukturë tjetër. Takimi ishte manifestim, pasi gratë dhe rininë nuk quhet Kongres. Janë sjellë njerëzit me kuota, janë sjellë me lista na bashkitë. Veprimtaria për rininë ishte manifestim”, u shpreh Dade.
Partia Socialiste për tre ditë me radhë zhvilloi Kongresin , ku fokusi ishte tek gratë dhe të rinjtë. Kongresi zgjodhi dhe anëtarët e Asamblesë dhe u votua statuti i ri.
