Kreu i Partisë Lëvizja e Legalitetit, Shpëtim Axhami, përmes komunikimit të radhës, ka deklaruar se kriza politike në vend është produkt i sistemit të gatuar në laboratoret e liderëve politik të tranzicionit shqiptar, të cilët në kushtet e mosfunksionalitetit të demokracisë kanë adaptuar një mekanizëm të hibridizuar që s’përfaqëon asgjë, përvecse ruan status-quon e kryetarëv, si dhe prodhon kriza të njëpasnjëshme që vijnë si rezultat i treguesve të mospërfaqësimit real të vullnetit të qytetarëve.
“Edhe kriza e fundit, Ekzekutiv-Presidencë , është në thelb një krizë përfaqësimi, pasi institucionet kushtetuese të vendit ndodhen në një qorrsokak, duke lënë të papërfaqësuar qytetarët, sepse vendin e përfaqësimit të tyre, e kanë zënë hajdutët dhe kriminelët, të cilët në botëkuptimin e tyre, nuk sistemin e vlerave, dhe as rendin kushtetues dhe zbatimin e ligjit”, -shprehet në deklaratën e saj, Partia Lëvizja e Legalitetit.
Me ardhjen në krye të intelektualit dhe njërit prej figurave më të njohura të kësaj partie, Z. Shpetim Axhami, kemi një ridimensionim të strukturave dhe forumeve të këtij subjekti politik, duke dhënë shpresë dhe duke ngjallur entuziasëm për monarkistët shqiptarë, që në garat e ardhshme do të jenë të përfaqësuar në Kuvendin e Shqipërisë si dhe konkurues të denjë në zona të caktuara për pushtetin vendor.
Gjithçka buron nga ky llojj sistemi.
Përplasja e institucioneve deri në pikë të fundit Ekzekutiv-Presidencë është në thelb një krizë përfaqësimi.
Qytetarët janë sot më të papërfaqësuarit se kurrë, kjo në parlament dhe në çdo institucion tjetër, sepse kriminelët e hajdutët nuk njohin as vlera, as ligj e as rend.
Kapja e Kushtetutës nga Edi Rama është faza finale e kapjes për fyti të Shqipërisë nga një politikë jo kombëtare.
Ne jemi për legalitet (legjitimitet), ligj e rend kushtetues monarkik, që të i përfaqësojë shqiptarët pa dallim, krahine apo ideje politike.
Vetëm ligj e rend për Shqipërinë, jo kriminelëve në Politikë.
#ShqipëriaMbretëriKushtetues.
#AtdheuMbiTëgjitha??
??
????
