Nga Dr. Rovena VATA
Nanë Dava, arkiva e gjallë e moteve mirditase, e ngjarjeve, e traditave, e zakoneve, e mjeshtërisë së gatimeve tradicionale apo qëndisjes së veshjeve tipike tradicionale shqiptare. Nana e ruajtjeve të amaneteve të djemve. Nana bashkuese e brezave.
Dora e përkundjeve të djepave, e këndimit të ninullave, e përcjelljes së vajzave nuse dhe pritësja e nuseve të djemve. Nana e vajeve dhe ngushëllimit të shumë e shumë zemrave. Nana e mikpritjes, pasi kur nana është në shpi, dera âsht e hapur dhe buka gjithmonë gati, nana e vatrës ndezur.
Nanë Dava një udhërrëfyese për të djeshmen dhe të sotmen, një udhërrëfyese për të vetin dhe për të huajin, ndaj dhe me të drejtë është quajtur edhe “Gjysha e Turizimit”. Pushoftë e qetë në amshim Nanë Dava!
