Një numër i madh personash të veshur me të zeza kanë mbushur rrugët për të respektuar dhe për ti bërë nderimet e fundit komandantin ushtarak iranian Qasem Soleimani përpara varrosjes së tij.
Soleimani u vra në një sulm me avionë amerikanë në Irak të Premten, me urdhër të Presidentit Donald Trump.
Trupi i tij tani ka mbërritur në qytetin e lindjes, Kerman në jug-lindje të Iranit, ku pritet të varroset sot.
Irani ka premtuar “hakmarrje të rëndë” për vdekjen e Soleimani dhe të Dielën u tërhoq nga marrëveshja bërthamore e 2015.
Soleimani, 62 vjeç, kryesoi forcën elitare të Qudsit të Iranit dhe u ngarkua me mbrojtjen dhe forcimin e ndikimit të Iranit në Lindjen e Mesme.
Në atdheun e tij, Soleimani u përshëndet si një hero kombëtar dhe konsiderohej gjerësisht njeriu i dytë më i fuqishëm në vend pas Liderit Suprem Khamenei.
