Aktori Florian Binaj ka zgjedhur që përmes një fotoje familjare të urojë Vitin e Ri për të gjithë shqiptarët, teksa uron për paqe dhe për ditë të lumtura.
Binaj ka pasur një mesazh dhe për politikën shqiptarem dhe qeveritë që sipas tij kanë punuar me hile në këto 30 vite.
Postimi i plotë i aktorit;
Gëzuar 2020 të gjithë shqiptarëve në rruzullin tokësor! Paqja qoftë mbi ne, jo urrejtja.Pasioni mbi inatin, dashuria mbi xhelozinë, vullneti mbi veset dhe shëndeti mbi sëmundjet! Të jemi të lidhur bashkë jo vetëm në tragjedi e ditë të zeza, por edhe në ditë të lumtura!
Ta duam Shqipërinë sepse aty u rritëm dhe aty është e ardhmja jonë dhe e fëmijëve tanë! Të ndihmojmë më të varfrit dhe të mos lejojmë më që jetët tona të peshohen nga kandari i prishur dhe plot hile i qeverive që kanë 30 vjet që e sjellin rrotull këtë popull të lashtë e plot histori!!
Duajeni njëri tjetrin sepse dashuria është e vetmja forcë në univers që i bën mirë të gjithëve dhe dëm askujt! Gëzuar!!!
