Takimi i liderve të Ballkanit Perëndimor që mbahet këto ditë në Tiranë në kuadër të të ashtuquajturit “Mini-Shengeni Ballkanik”, ka hapur një debat të madh në vend mbi rolin që ka ky projekt në planin kombëtar dhe vecanërisht në zhvendosjen e rolit të Kosovës në rajon, duke e shpërfillur tërësisht dhe madje duke e goditur si “thikë pas shpine” përpjekjen titanike të saj për njohje si shtet më vete.
Ndër reagimet në të ashpra, ka qenë ai, i ish-deputetit Eduart Ndocaj, i cili pasi e ka konsideruar kryeministrin e vendit një të sëmurë mendor, që me lojërat e tij të rrezikshme, me projekte që shpiken në laboratoret e antishqiptarizmës, pasi zhyti në mjerim shqiptarët e Shqipërisë, tashmë po u krijon probleme shqiptarëve të rajonit. Ndocaj, ndër të tjera ka nënvizuar: Me këtë projekt, padyshim më i humburi është faktori shqiptar në rajon, i cili përvecse nuk unifikohet, por përkundrazi përcahet më shumë, pasi dihen rrethanat dhe kontekstet gjeopolitike të rajonit, ku Kosova ende vazhdon të vuajë pasojat e genocidit serb, ndërkohë që vendi amë, Shqipëria, pret gjakatarin e aspiratës së kosovarëve për liri, Vuciqin, si të ishte mik shekullor i tyre.
