Mediat angleze dhe ato spanjolle raportojnë se trajneri i njohur, Pep Guardiola, mund të rikthehet te Barcelona.
Pep Guardiola është trajner i Manchester Cityt që nga vitit 2016, teksa ka arritur të shpallet kampion dy herë radhazi në dy sezonet e fundit në Premier Ligë, duke fituar edhe të gjithë trofetë e tjerë të mundshëm në Angli.
Por, ky sezon nuk po i ecën mirë ‘Qytetarëve’, pasi momentalisht renditen në pozitën e tretë dhe larg liderit, Liverpool dhe kjo ka çuar në sugjerime se kohës së Guardiolas në klub po i vjen fundi.
Interesimi për Pep Guardiolan nga skuadrat e mëdha nuk ka munguar asnjëherë, teksa ‘Express.co.uk’ raporton se Barcelona është e gatshme t’i ofrojë një mundësi rikthimi 48 vjeçarit në ‘Camp Nou’.
Ndryshe, Pep Guardiola ka kontratë të vlefshme me Manchester Cityn deri në vitin 2021.
