Dhjetëra familje me fëmijë të vegjël në Rrëzë të Krujës po i përballojnë të vetëm pasojat që u la tërmeti i javës së kaluar. Kete ka konstatuar kryetari i PD Lulzim Basha teksa i ka vizituar nga afër banorët në Rrëzë të Krujës.
Sipas tij, ajo që pa nga afër ishin me dhjetera familje me fëmijë të mitur në qiell të hapur pasi banesat e tyre janë të pabanueshme.
Per kete arsye kryedemokrati thote se duhet pa humbur kohë qe “150 milion dollarët që janë ndarë për 10 oligarkë duhet të kalojnë për banorët e dëmtuar nga tërmeti që sot janë në qiell të hapur”.
“Për fat të mirë në këtë fshat nuk pati asnjë viktimë, por pothuajse të gjitha shtëpitë janë të pabanueshme. Asnjë masë nuk është marrë për ta. Asnjë ndihmë, asnjë çadër apo ushqim, nuk u ka ardhur nga shteti.
Duhet hapa konkretë dhe zgjidhje emergjente sepse gjendja e tyre po rëndohet edhe nga moti i ftohtë.
Pa humbur kohë 150 milion dollarët që janë ndarë për 10 oligarkë duhet të kalojnë për banorët e dëmtuar nga tërmeti që sot janë në qiell të hapur.
Qeveria duhet të nisë lëvrimin e fondeve për tu ardhur në ndihmë banorëve në zonat rurale për të cilët është e pamundur zhvendosja, në mënyrë që të nisin riparimin apo rindërtimin e shtëpive të shkatërruara”, u shpreh lideri i PD Lulzim Basha.
