Ish-Kreu i Institutit për Krimet dhe Pasojat e Komunizmit, Agron Tufa, ka paditur në Prokurori deputetin socialist Spartak Braho dhe ish ambasadorin Fatos Tarifa.
Ljamin e ka konfirmuar vetë avokati i Tufës, Kujtim Cakrani i cili tha se ndaj klientit të tij Tufa ka pasur kërcënime të ndryshme, si nga administrata, ashtu edhe nga njerëz të tjerë.
“Janë riaktivizuar duke hedhur baltë ndaj zotit Tufa, duke e akuzuar për vjedhje fondesh, shpërdorim detyre dhe falsifikim të historisë.
Tufa u largua pasi pati një arsye të fortë, iu kërcënua familja e tij”,deklaroi avokati.
Kujtojmë që Agron Tufa dha dorëheqjen pak ditë më parë nga posti i drejtorit të Institutit për Studimin e Krimeve dhe pasojave të Komunizmit duke kërkuar azil për familjen në Zvicër.
