Elona CASLLI
Ti je revolta! Nuk mund të revoltohesh përmes meje!
Revolta nuk ka nevojë të shkruhet! Mjafton një – Jo- e madhe që del nga padrejtësia që ta ka qepur gojën dhe gjithçka zgjidhet!
Nuk ka nevojë për artikuj revolta!
Revolta ka nevojë për zërin tënd!
Revolta ka nevojë për guximin tënd!
Revolta ka nevojë për një trup të gjunjëzuar që ngrihet në këmbë dhe thotë- Jo! Kjo është e drejta ime dhe ti nuk mund të ma shkelësh!
Revolta jote nuk ka nevojë për penën time. Revolta jote ka nevojë për ty!
Post Scriptum- E shtrënguar nga një bashkësi mesazhesh që më përcillen lidhur me padrejtësi të ndryshme që ndodhin në institucione, u pohoj të gjithëve atyre që më shkruajnë veçse një gjë:
Revolta jeni ju!
Nuk ka padrejtësi të mëdha! Ka padrejtësi të vogla që përsëriten shpesh!
Të gjitha padrejtësitë e vogla në institucione, bëjnë padrejtësinë e madhe të kombit.
