Tërmeti i 26 nëntorit ka hapur një debat të madh në vend, ku krahas dhembjes për viktimat dhe përmasat e tragjedisë që shkaktoi, shoqërohet me masat që duhen ndërmarrë dhe vënien para drejtësisë të të gjithë zingjirit ndërtimor të këtyre viteve, i cili dëshmori se është një prej hallkave më problematika të Shqipërisë postkomuniste.
Ish-deputeti Eduart Ndocaj, si një njohës i kësaj fushe, përmes një video të shpërndarë në rrjetet sociale, i ka kërkuar Prokurorisë së Përgjithshme të bëjë ndalimin e menjëhershëm të ish-krybashkiakut të Durrësit Vangjush Dako dhe të të gjithë kryebashkiakëv dhe ish-krybashkiakëve që kanë dhënë leje ndërtimi në shkelje të ligjit.
Pa një masë drastike të tillë është e pamundur të rikuperohet sistemi ndërtimor dhe urbanistik në Shqipëri,-nënvizon Ndocaj, prandaj është e rëndësishme të veprohet me arrestimin e të gjithë shkelësve të ligjit në fushën e ndërtimeve, pasi kështu nxjerren mësime dhe shmangen tragjedi të tjera në të ardhmen, do të përfundonte prononcimin “kaubojsi”.
