Presidenti Ilir Meta i ka dërguar një letër eprorëve të Bernd Borchardt në Shqipëri ku i thotë se ambasadori i OSBE në Tiranë është i padëshirueshëm në Presidencë.
Burime për A2 thonë se arsyet e këtij vendimi të Presidentit janë dy: fakti që vuri në diskutim Dekretin e Presidentit për zgjedhjet vendore në Shqipëri në qershor 2019, si dhe i tregoi publikisht gishtin qytetarëve shqiptarë.
Të njëjtat burime thonë se letra është dërguar nga Kabineti i Presidentit në adresë të Zyrës së Asamblesë Parlamentare të OSBE në Kopenhagen, Zyrës së Pranisë së OSBE në Tiranë dhe Drejtorisë së Protokollit të Shtetit të Ministrisë për Europën dhe Punët e Jashtme në Tiranë.
