Një mësuese e cila jepte mësim në një nga shkollat fillore të Kosovës, ka rënë pre e dhunës së nënës së njërit prej nxënësve të saj.
Ngjarja ka ndodhur në shkollën ‘Zef Serembe’ në fshatin Gllavaqicë të Pejës.
Faktin e ka pohuar drejtori i shkollës, ndërsa vetë mësuesja nuk ka pranuar të flasë për mediat. Shkak për dhunën është bërë dyshimi që kishte nëna e nxënësit se mësuesja i rrihte fëmijën.
Vetë drejtori i shkollës, ka mohuar se mësuesja ka dhunuar nxënësin. Ai tha se mes dy grave nuk ka pasur përplasje fizike.
“Ka ardhur një prind në shkollë e cila ka pasur një mosmarrëveshje me mësuesen. Fatmirësisht nuk ka pasur goditje apo fërkim por vetëm tentativë.”, thotë drejtori Beqir Sadiku.
Ndërkohë, pasi u shoqërua në polici, gruaja që ka sulmuar mësuesen është liruar.
