Emrat e 24 shefave të rinj të policisë në burgje, “Ali Demi” dhe spitali i burgut i besohen dy grave

Pas shkarkimit të drejtorëve të Policisë së Burgjeve për performancë të dobët, Ministria e Drejtësisë ka emëruar 24 shefa të rinj. Ata do të drejtojnë sigurinë e rendin nga institucionet e vuajtjeve të dënimit tw sigurisë së lartë ku ndodhen emrat më të njohur të botës së krimit deri tek burgu i grave në “Ali Demi”.

Shefat e rinj i janë nënshtruar një kontrolli paraprak në lidhje me pastërtinë e figurës, pasurisë dhe anës profesionale.

Dy prej burgjeve të vendit u janë besuar dy grave, ai i “Ali Demit” do drejtohet nga Mimoza Rumano ndërsa spitali i burgut nga Elona Prespa.

I vetmi drejtues që nuk është prekur nga lëvizjet është Drejtori i Përgjithshëm i Policisë së Burgjeve, Bardhyl Kacorri i cili është ende në detyrë. Largimi i drejtorëve është ndërmarrë me argumentin e performancës dhe përfshirja e disa prej efektivëve me uniformë në ngjarje kriminale.

Rasti më i fundit i ishte i Bledar Tocit shefit të sigurisë në burgun e Durrësit i cili u përfshi në një përplasje me armë duke vrarë në Kavajë, Dritan Haxhollin.

IEVP Shef policie

1 Burrel Kadri Koxha

2 Ali Demi Mimoza Rumano

3 Kukës Mentor Rada

4 Tepelenë Het’hem Llapi

5 Krujë Lulzim Haxhia

6 Sarandë Artur Musta

7 Kavajë Mina Velo

8 Fier Bashkim Meçe

9 Berat Ilia Papa

10 Korçë Altin Gusho

11 Tropojë Selim Selimaj