Federata e Futbollit të Kosovës ka prezantuar ditën e sotme fanellën me të cilën “Dardanët” do të përballën me Çekinë.
“Kjo është fanella speciale me të cilën Kosova do të luajë kundër Republikës Çeke”, shkruhet në një postim në faqen zyrtare të FFK-së në Facebook.
Kosova do të udhëtojë për në Çeki, ku më 14 nëntor, në Plzen, do të tentojë një tjetër mrekulli në garën për kualifikim në Euro 2020.
Pas ndeshjes me Çekinë, Kosova e pret Anglinë në “Fadil Vokrri” më 17 nëntor, në ndeshjen me të cilën mbyllet cikli i kualifikimeve për garën më të madhe të futbollit të kontinentit të vjetër.
