Legjenda argjentinase, Diego Armando Maradona, di të jetë gjithmonë në qendër të vëmendjes.
Pas operimit që bëri para disa muajsh në gju, ai është rikthyer të drejtoj Gimnasian.
Mbrëmjen e djeshme skuadra që po drejton aktualisht u ndesh me ish-ekipin e tij Newells Old Boys, ku luajti për një kohë jo shumë të gjatë.
Për të nderuar dhe respektuar Maradonën, klubi i dhuroi një fron legjendës, i cili e shijoj ndeshjen i ulur në të.
Pritja ishte madhështore për të dhe ai ka mbetur shumë i kënaqur për këtë gjë.
Duket se ky fron i solli fat Gimnasias që fitoi bindshëm 0-4 në transfertë.
