Vedat Muriqi po spikat në Turqi. Një vit më parë shpërtheu me Rizespor, duke shënuar 17 gola. Në verë ishte Fenerbahce që e bleu sulmuesin nga Prizreni, i cili ka shënuar katër gola në kampionat këtë sezon.
Muriqi po bën paraqitja të mira edhe me Kosovën dhe kjo ka bërë që të ketë goxha interes për shërbimet e tij.
Sulmuesi ka arritur t’i shënojë edhe Anglisë dhe në Turqi përmendin klube si West Ham, Tottenham dhe Manchester United si të interesuara. Gjithashtu në Itali lakohet Lazio dhe Interi së fundmi. Në skenë tashmë ka dalë edhe një tjetër klub, shkruan “abcnews.al”.
Gazeta Fanatik Në Turqi shkruan se për Muriqin është futur në garë fuqishëm Napoli. Drejtori sportiv i Napolit, Cristiano Giuntoli, është takuar me Damien Comolli për Muriqin. Fillimisht ka marrë informacion mbi situatën e sulmuesit dhe në vazhdim do të ketë sërish bisedime.
Fenderbahce nuk është se e ka në plan ta shesë 25-vjeçarin, por do të mendohej mirë para një oferte të madhe. 25-30 milionë euro pretendeohet të përfitohet nga shitja e Muriqit, një shifër mjaft e lartë.
