Ish-deputeti i Kuvendit të Shqipërisë, në vitet 2013-2017, Eduart Ndocaj, përmes një interviste të dhënë ekskluzivisht për infopressalbania.com , ka bërë një panoramë të qartë të situatës aktuale politike, dhe veçanërisht ka komentuar vendimin e disa vendeve të BE-së, për mosçeljen e negociatave me Shqipërinë, duke bërë përgjegjëse drejtpërdrejtë qeverisjen aktuale dhe kryeministrin Rama, i cili ka dështuar me politikat e tij dhe për pasojë ka ofruar këtë dështimm sistematik në raport me objektivin madhor të “rilindjes” në vitin 2013, që ishte çelja e negociatave dhe anëtarësimi në BE.
Si një zë kritik permanent, ndaj keqqeverisjes së vendit, si dhe një nga denoncuesit më të mëdhenj të aferave korruptive të klientelës së Ramës, “kaubojsi” ka kërkuar nga qytetarët shqiptarë, të marrin fatin e tyre në duar, si dhe të largojnë një orë e më parë këtë kryeministër, i cili në vend që të reflektonte me dorëheqje, si homologu i tij maqedonas, ka vazhduar përmes një propagande bajate të lëshojë gojën ndaj vendeve të BE, ndaj të cilave ka mbajtur qëndrime haluçinative.
Për ish-deputetin Ndocaj, zgjidhja për shqiptarët, është largimi i këtij kryeministri të lidhur me krimin dhe i pengmarrë nga oligarkia, e cila ka arritur të shtrijë në kthetrat e saj pasuritë e shqiptarëve, prandaj, sipas “kaubojsit”, çdo vonesë në këtë drejtim është në dëmin e interesave gjeostrategjike për Shqipërinë.
Me falënderimin e redaksisë sonë për z. Ndocaj, i cili gjithnjë është i gatshëm të intervistohet dhe të japë opinonet e tij, ju ftojmë të ndiqni të plotë bashkëbisedimin e zhvilluar:
