Kryetari i Partisë Demokratike, Lulzim Basha, i kërkoi sërish miqve gjermanë që të bëjnë çka është e mundur që Shqipëria të hapë rrugën e integrimit, e bllokuar sipas tij nga keqqeverisja e Rilindjes.
Sipas Bashës vendi është në udhëkryq të pameriatuar, por me ndihmën e partnerëve ndërkombëtarë, ëndrra për “Shqipërinë si Europa”, do të bëhet realitet
“Ne u bëmë thirrje miqve tanë gjermanë që, megjithë gjendjen e rëndë në vend, shkaktuar nga hapat prapa në lidhje me ekonominë, demokracinë, sundimin e ligjit dhe lirinë e shprehjes, vetëm hapja e negociatave garanton nje vemendje të shtuar të Bashkimit Evropian në Shqipëri, një kontroll më të fortë të funksionimit të institucioneve, ndarjes së pushteteve, zgjedhjeve të lira dhe barazisë para ligjit, si garanci për qytetaret e këtij vendi se liritë dhe të drejtat e tyre do të respektohen.
Falë qëndrimit të drejtë dhe parimor dhe mbështetjes së fortë të Kancelares Merkel dhe CDU për Shqipërinë, Bundestagu ka propozuar rrugën drejt hapjes së negociatave, që është edhe udhërrëfyesi ynë për daljen nga kjo krizë”, theksoi Basha.
Gjatë ceremonisë së 10 vjetorit të krijimit të Fondacionit “Konrad Adenauer”, Basha theksoi “se bashkë me shqiptarët dhe me ndihmën e miqve tanë, do t’ia dalim ta bëjmë Shqipërinë si Evropa”.
Kreu demokrat u shpreh se me mbështetjen e këtij fondacioni, Partia Demokratike ka sot programin ekonomik që do ta nxjerrë vendin nga kriza dhe do t’i japë zhvillim ekonomik
