Mejdi Krasniqi nga fshati Smallush, komuna Lipjan, Kosovë është i sëmurë. Mjekët e kanë diagnostikuar me probleme të shëndetit mendor. Gjendja e tij është mjaft e përkeqësuar, por ajo që nxiti redaksinë e InfoPressAlbania, për të publikuar këtë apel, është situata ekonomike në të cilën jeton familja prej katër anëtarësh e Mejdi Krasniqit.
Mejdiu, me gruan dhe dy vajzat, jetojnë në një banesë me një dhomë, si dhe kanë të ardhura nga përkrahja sociale prej 100 eurosh, të cilat nuk shërbejnë as për ilacet e kryefamiljarit të sëmurë.
Jetesa e tyre në kushte të vështira, pa të ardhura për të siguruar nevojat më jetike, me një banesë pa hapësirën e duhur dhe jeta tejet e vështirë që bëjnë, sa me zor ia dalin për të mbijetuar, bëri që kjo familje ti drejtohet portali tonë për të lëshuar apelin për ndihmë ndaj kësaj familje.
Fanilja e Mejdiut shpreson në bujarinë dhe humanizmin e shqiptarëve anembanë botës, për ta ndihmuar sado pak në përballimin e kësaj situate të vështirë ekonomike me të cilën po përballen.
Për të gjithë ata që kanë mundësi t’i ndihmojnë Mejdiun dhe familjen e tij, mund ta kontaktoni në këtë numër 045 910 351.
