Memoriali i dëshmorëve të rënë në “grushtin e shtetit” në Turqi para tre vitesh, i vendosur në Tiranë para ca ditësh, në nder të përkujtimit të këtyre dëshmorëve, ceremoni e realizuar nga ambasada turke, vazhdon të prodhojë një debat të madh në opinonin publik, duke e konsideruar, jo vetëm të panevojshëm një memorial të tillë, por dhe absurd, pasi viktimat e atij 15 korriku të 2016-s, në Turqi, nuk përfaqësojnë një kauzë kmbëtare dhe as mbrojtje të ndonjë parimi demokratik.
Në këtë debat, nuk mungon dhe i përhershmi, Eduart Ndocaj, i cili përmes një video-komunikimi, ka kërkuar nga autoriteti që ka dhënë lejen, (qeveria dhe bashkia e Tiranës), ta heqë menjëherë atë memorial, pasi është një provokim që i bëhet vlerave të identitetit tonë kombëtar.
Ndocaj, e ka konsideruar absurde lejen e dhënë, ndonëse nuk ka dyshime, thotë ai, që politika e Tiranës dhe qeveritarët tanë janë shërbëtorë të Erdoganit, ndaj dhe duhet shembur ajo shëmtirë e ngritur, e cila është një otomanizim dhe provokim i rëndë që i bëhet aspirtaës sonë kombëtare për integrim në familjen e vlerave europiane.
Nuk mund të mëndohet një memorial i tillë në Tiranë, kur politika shqiptare dhe qeveritarët tanë, nuk kanë marrë asnjë akt për të memorizuar viktimat e dikaturës komuniste, e cila është shënjuar si ndër më të gjakataret në botë; nuk është ndërmarrë asnjë akt për të memorizuar të vrarët e luftës së pashoqe të UCK-së, e cila u zhvillua për identitet dhe plotësi kombëtare; nuk është bërë asgjë për të përjetësuar kujtimin e të vrarëve për liri dhe sovranitet nëtrojet shqiptare të Malit të Zi, etj, etj.
Duke e konsideruar lidershpin politik shqiptar, të shitur tek sulltan Erdogani, Ndocaj apelon fuqishëm autoritetet përgjegjëse për heqjen e atij memoriali, i cili përvecse është një akt i turpshëm, ka brenda dhe provokim ndaj kombësisë shqiptare dhe identitetit të saj.
Për më shumë, ja video e plotë:
