Partia Demokratike ka denoncuar sot promovimin e trafikantëve të drogës nga kryeministri Edi Rama në majat e pushtetit, si deputetë dhe kryebashkiakë dhe njeri prej tyre, më i fundit, është Valdrin Pjetri si kryebashkiak i Shkodrës.
Sekretari i Pergjithshem i PD Gazment Bardhi në një deklaratë për mediat akuzoi kryeministrin për heshtjen duke shprehur bindjen se Rama e ka ditur se cila qe e shkuara e Pjetrit dhe pavarësisht kësaj, e emëroi në poste të rëndësishme, Hipotekë e Prefekturë..
Bardhi tha: “Dje, Rama e detyroi Pjetrin të mashtronte qytetarët e Shkodrës se nuk kishte qënë asnjëherë i lidhur me krimin e organizuar dhe i dënuar. Rama e ka të mundur ta verifikojë brenda 24 orëve me strukturat e tij nëse Pjetri ka qënë i arrestuar dhe i dënuar në Itali. Por hesht.
Nuk i mbetet vetëm të ikë me turp bashkë me Valdrinin për atë që po i bën Shkodrës, siç bëri me Kavajën, Krujen, Laçin, Vorën, Tepelenën….duke detyruar qytetarët të përfaqësohen me trafikantë droge dhe njerëz të rrëzikshëm.
Por e vërteta nuk ka për të vonuar. Makinacionet për të tërhequr Valdrin Pjetrin dhe shpëtuar karrigen e kryeministrit janë të dala boje!”
