Arben Isaku, zv.Drejtori i Agjensisë Shtetërore të Kadastrës së Durrësit, është shpallur në kërkim, pasi akuzohet se në bashkëpunim me dy punonjës të tjerë të këtij institucioni, kanë dhënë leje legalizimi për për një sipërfaqe 123 metra katror dhe truall 500 metra katror në zonën e plazhit
Përveç funksionit të lartë shtetëror, Isaku gjithashtu është Sekretar i Përgjithshëm i degës së PS-së në Durrës. Gjithashtu është kryetar aktuali i grupit të këshilltarëve socialistë në bashkinë e Durrës që drejtohet nga Valbona Sako.
Dy vjet më parë, Isaku mbante postin e drejtorit të ALUIZNIT.
Në kërkim është shpallur dhe një specialist si dhe është arrestuar ekonomisti i Kadastrës.
“Kanë pajisur me leje legalizimi duke falsifikuar dokumentat dy shtetas për një sipërfaqe 123 metra katror dhe truall 500 metra katror në zonën e plazhit. Kanë pajisur me leje legalizimi duke falsifikuar dokumentat shtetasit Xh.N., 29 vjeç, banues në Durrës dhe E.S., 39 vjeç, banues në Berat, të cilët janë shpallur në kërkim dhe po punohet për kapjen e tyre pasi Prokuroria e Rrethit Gjyqësor Durrës ka nxjerrë urdhër ndalimi për veprën penale ” Vjedhja me pasoja të rënda” parashikuar në nenin 134/3 të Kodit Penal” informoi sot policia e Durrësit.
