sh-deputeti demokrat Agron Shehaj ka denoncuar sërish një tjetër koncesion që qeveria do të jap. Bëhet fjalë për kontrollin e pompave që furnizojnë qytetarët me karburant, që sipas tij do të krijohet një monopol i ri në treg.
“Ministria e Financave dhe e Ekonomisë ka shpallur fitues të koncesionit për kontrollin e pompave të karburantit kompaninë Noa Control shpk. Sipas Gjykatës Administrative të Tiranës, tenderi për këtë koncesion është bërë në shkelje te ligjit. Shpallja e fituesit te koncesionit është bërë duke shpërfillur vendimit e datës 27 maj 2019 të Gjykatës Administrative të Tiranës e cila vendosi pezullimin e tenderit. Gjykata ka anulluar tenderin sepse “kriteret e dokumentacionit të koncesionit janë në kundërshtim me ligjin në fuqi” dhe urdhëron ministrinë të “ndryshojë kriteret dhe të fillojë tenderin nga fillimi””, tha ish deputeti.
Çfarë është koncesioni i pompave të karburanteve?
Kontrolli i pompave të karburantit konsiston në kontrollin ligjor të instrumenteve matës, nëpërmjet verifikimit të instrumenteve shpërndarës të karburanteve dhe gazit të lëngshëm. Praktikisht, kontrollojnë shitësin që të mos mashtrojë konsumatorin në sasinë e karburantit.
Aktualisht kontrolli bëhet 2 herë në vit dhe qeveria arkëton pothuajse 60 euro për çdo kontroll. Sot ky shërbim bëhet nga Drejtoria e Metrologjisë dhe sjell në arkat e shtetit rreth 5 milionë euro në vit. dhënien e këtij shërbimi në koncesion, nëse nuk ndryshon tarifa, kompania e përzgjedhur nga Rama do të përfitojë këtë shumë për 20 vitet e ardhshme. Praktikisht 100 milionë euro nuk do të shkojnë më në arkën e shtetit.
