Në një deklaratë për mediat, kreu i opozitës, Lulzim Basha ritheksoi edhe njëherë nga Berati se qytetarët treguan në 30 qershor “nevojën akute për ndryshim”.
Kjo u duk më së miri dy javë më parë ku qytetarët e Beratit në masë refuzuan regjimin e Edi Ramës. E refuzuan demokratët, e refuzuan mbështetësit tanë, e refuzuan edhe socialistët e ndershëm” tha Basha.
Ai shtoi se pjesëmarrja në Berat ishte nën mesataren kombëtare dhe kjo sipas tij do të thotë se “edhe socialistët janë vetëdijësuar se rruga e çlirimit të partisë së tyre nga tutela e krimit kalon nga qëndrimi krah për krah me qytetarët e tjerë të Beratit” në atë që Basha e quajti “betejë për vlera, liri dhe ekonomi”.
Kreu i PD, tha se ky refuzim në zgjedhje do të thotë më shumë përgjegjësi për forcën e tij politike që ti sjellë qytetarëve ndryshimin që ata kërkojnë.
