Kreu i Partisë Demokratike, Lulzim Basha, ka zhvilluar mëngjesin e sotëm një takim me Presidentin Ilir Meta, raporton Ballkanweb.
Takimi mes Bashës dhe Metës vjen në një kohë kur politika shqiptare ndodhet në krizë të thellë disamujore.
Presidenti Ilir Meta vendosi të mos i njihte zgjedhjet e 30 qershorit, duke dekretuar si datë të zgjedhjeve vendore 13 tetorin.
Nga tjetër, opozita nuk mori pjesë në zgjedhjet e 30 qershorit, ndërsa kryebashkiakët e djathtë kanë vendosur të mos lirojnë bashkitë.
Pikërisht kriza e thellë politike mësohet të ketë qenë tema kryesore e diskutimit mes Bashës dhe Metës.
Pas këtij takimi, Basha pritet të zhvillojë një mbledhje me aleatët e opozitës.
