Partia Demokratike Dega Shkodër, ka reaguar lidhur me procesin zgjedhor të 30 Qershorit, duke deklaruar se Edi Rama emëroi opozitën farsë dhe tani e ka shpërblyer me poste shtetarore.
Përmes një deklarate për shtyp, PD deklraon se Pjerin Spathari, kandidat i Bindjes Demokratike për bashkinë Malësi e Madhe, tani është emëruar drejtor i Drejtorisë Rajonale të Bujqësisë.
Dekarata e plotë:
Në zgjedhjet farsë, Edi Rama emëroi opozitën farsë.
Bindja Demokratike nuk është opozitë as në votimet fallco të Edi Ramës, as në parlament, askund.
Farsa e 30 qershorit ishte prova e qartë se Rilindja dhe Bindja janë nënë e bijë. Kush ka patur keqkuptimin apo ka menduar ndryshe, sot po i japim fakte se simbioza mes tyre është e pandashme.
Bindja pra është patericë e regjimit krimnal të Rilindjes si në votimet fallco ashtu edhe në vazhdim. Kështu është si në Shkodër dhe në gjithë Shqipërinë.
Pjerin Spathari, kandidat i Bindjes Demokratike për bashkinë Malësi e Madhe, tani është emëruar drejtor i Drejtorisë Rajonale të Bujqësisë të Rilindjes. Ky është shpërblimi për shërbimin e mercenarit.
Misioni i ODIHR-it, i ka vënë regjsitrimit të Bindjes Demorkatike në kundërshtim me ligjin vulën e paligjshmërisë.
Shkodra e braktisi Edi Ramën dhe opozitën fallco. Procesverbali i orës 11.00 të datës 30 qershor provon manipulimin kriminal, me pesëfishim të numrit të votuesve. Edi Rama ka rritur pjesëmarrjen me të paktën 8%, duke përdorur Komisionin Qëndror të Vjedhjeve.
30 qershori është i pavlefshëm, është nul, në kundërshtim me dekretin e Presidentit.
PD është e gatshme t’u japë shkodranëve dhe shqiptarëve atë që presin dhe meritojnë, ndryshimin. Për ta kthyer maxhorancën refuzueze të 30 qershorit, në maxhorancë për ndryshimin.
(F.GJ/FAXWEB.AL)
