Ish kandidati për kreun e bashkisë Lezhë, Eduart Ndocaj, përmes një video-konference, ka replikuar në distancë me KQZ, ndaj së cilës nuk ka kursyer aspak një fjalor të ashpër duke e cilësuar kriminale veprimtarinë e saj, pasi ka anashkaluar qëllimisht faktet e depozituara në akimimin e bërë.
Ndocaj, gjatë kësaj video-konference ka pasqyruar me detaje, sipas tij, disa nga manipulimet e bëra nga banda e Pjerin Ndreut në shumë qendra votimesh, duke tjetërsuar krejtësisht rezultatin e votimeve.
Më tej, Ndocaj u ka premtuar qytetarëve lezhianë, se Pjerin Ndreu nuk do e gëzojë mandatin e vjedhur si kryetar të bashkisë Lezhë, pasi ai, do bëjë cmos që Ndreu të përfundojë prapa hekurave, pasi ai ka shumë “mëkate” për të shlyer dhe si i tillë nuk mund të jetë qytetari i parë i Lezhës, sepse ky qytet nuk mund t’i lejoj vetes të katandiset në drejtues batakcinj dhe banditë.
Gjithashtu, Ndocaj u zotua se do të vazhdojë në mënyrë të përditshme të nxjerrë prova të reja që inkriminojnë bandën e Pjerin Ndreut në vjedhjen e votave, si dhe do të anagzhohet fuqimisht në demaskimin e kësaj bande, e cila synimet i ka vetëm tek vjedhja e pronave publike dhe tek pasurimi i tyre në kurriz të qytetarëve.
Për më shumë ndiqeni të plotë video-konferenvën e Ndocajt:
