Kryeministri i Kosovës, Ramush Haradinaj, deklaroi se sovranitetin, integritetin dhe paprekshmërinë e Kosovës do ta mbrojmë me çdo çmim.
Shefi i ekzekutivit kosovar duke iu drejtuar qytetarëve tha se “jemi bashkë dhe jemi të fortë” e se “askush nuk do të na ndajë”.
Kjo deklaratë e Haradinajt vjen vetëm një ditë pasi kryeministri i Maqedonisë së Veriut, Zoran Zaev, foli për planin për ndryshim të kufijve të Kosovës, duke thënë se mbrapa këtyre qëllimeve qëndrojnë interesat e Rusisë dhe të Turqisë.
Zaev po mendonte se ishte duke biseduar me ish-presidentin ukrainas, Petro Poroshenko, por në të vërtetë ata ishin dy komedianë rusë.
Në telefonatën që është publikuar në faqen e dy komikëve në YouTube, Zaev deklaroi se plani i ndarjes së Kosovës nënkupton që vendi ynë t’ia japë Serbisë 10 komuna.
Të martën në një konferencë për media, Zoran Zaev ka pranuar se është mashtruar.
