Përtej farsës zgjedhore që ofrohet nga ‘rilindja” me votimet e 30 qershorit, vetëm Lezha i ka dhënë nuancat e një gare të fortë, ku përplasja është e pazakontë, sepse rivaliteti mes kandidatëve është i ashpër sa në komunikimin publik, aq dhe në programe dhe alternativa, duke i ofruar zgjedhësve lezhianë vizione krejtësisht të ndrsyshme mbi mënyrën e administrimit të kësaj bashkie.
Kandidati i “rilindjes” nuk e ka menduar aspak forcën dhe influencën e rivalit të tij, dhe në fillim e mori të lehtë, duke besuar në skenarët e farsës zgjedhore, por përballja me Eduart Ndocajn, ia ka prishur humorin dhe ia ka zhbërë të gjithë skenarët e mundshëm, duke e vënë në pozita të vështira performnacën e Pjerin Ndreut, i cili iu është ofruar zgjedhësve lezhianë me ‘arritjet” e qeverisë, por me këtë gjë, ai ka bërë një autogol, sepse qeveria e Edi Ramës, së bashku me deputetin e Lezhës Pjerin Ndreu, nuk e kanë vlerësuar këtë bashki, duke e lënë jashtë hartës së investimeve dhe të shërbimeve ndaj qytetarëve.
Këtë gjë e dëshmojnë më së qarti, sondazhet e organizuara nga media dhe portale të ndryshme, ku e nxjerrin kandidatin socialist si kandidaturën më jopërfaqësuese të lezhianëve, dhe kjo është për faktin se Pjerin Ndreu asnjëherë nuk iu imponua qytetarëve lezhianë si përfaqësues i tyre, kjo falë dhe të shkuarës së tij si ish-funksionar policie në këtë qytet.
Të organizuara nga media dhe portale të ndryshme, të cilat janë të paanshme në raport me kandidaturat e Lezhës, sondazhet ofrojnë rezultate katastrofale për Pjerin Ndreun dhe partinë e tij, duke i dhënë Lezhës kështu pritshmërinë e një rezultati befasues në votimet që do të mbahen më 30 qershor.
Sigurisht, kjo është shprehje e lidhjeve të afërta që kandidati Ndocaj ka ruajtur gjithnjë me komunitetin lezhian, duke qenë një individ që për asnjë cast nuk ka hezituar mbështetjet e tij për banorët e Lezhës dhe më gjerë.
Tashmë, sipas sondazheve, zgjedhësit lezhianë nuk kanë më asnjë dilemë për ët zgjedhur administratorin e tyre, dhe Eduart Ndocaj, mund të jetë surpriza e këndshme e këtyre zgjedhjeve.
