Përtej fasadës zgjedhore që ka ngërthyer debatin politik në vend mbi zgjedhjet e 30 qershorit, Lezha duket sikur do të tërheqë vëmendjen e opinionit publik për dinamikën e garës dhe përplasjen e fortë të kandidatëve që konkurojnë për kreun e bashkisë.
Fushata, që në startin e saj po prodhon përplasje të forta në mesin e kandidatëve, duke e bërë këtë garë mjaft interesante.
Kandidati i Aleancës Demokristiane për Bashkinë e Lezhës, Eduart Ndocaj me anë të një video në Facebook, ka denoncuar me një gjuhë të ashpër përpjekjet e rivalit të tij Pjerin Ndreu, i cili po e synon fitoren e kësaj bashkie përmes fenomenit të shitblerjes së votës, dukuri kjo, e cila është mjaft e përhapur dhe për të cilën kandidatët e “rilindjes” janë të akuzuar vazhdimisht në çdo cep të Shqipërisë.
Ndocaj përmes kësaj video fton të gjithë qytetarët lezhianë të denoncojnë blerjen e votave nga kandidati i afirmuar tashmë i PS-së, Pjerin Ndreu, i cili në mungesë të kredibilitetit të tij publik dhe politik, të vetmen shpresë e ka tek blerja e votës dhe tek lidhjet e tij me botën e krimit.
Në këmbim të çdo videoje ku shfaqet Ndreu duke blerë vota, ai do u jap qytetarëve nga 5 mijë Euro.
Por Ndocaj shton se, nëse do ti sjellin video ku kandidati i Rilindjes shfaqet duke bërë pazare për votat, ai do t’i paguajë me 50 mijë euro.
