Analisti Agron Gjekmarkaj ka kritikuar sjelljen e policisë në protestën e së shtunës, ku u dhunua Sekretari Organizativ i PD, Sahit Dollapi dhe ish-deputetja Albana Vokshi.
Sipas tij, një dhunë e tillë nuk ka ndodhur as në vitin 96’ apo 97’. “Dhunë ndaj opozitës ka pasur vetëm në vitin 96’ dhe 97’, As atëherë nuk janë dhunuar gratë siç ndodhen ne protestën e kaluar; është regres i jashtëzakoshëm. E pe si iu sulën Sekretarit Organizativ, si bisha. I thyen gjurin dhe i nxorrën shpatullën. Ministri Brendshëm dhe kryeministër nuk kanë mbajtur asnjë qëndrim”, deklaroi Gjekmarkaj në studion e lajmeve në Vizion Plus.
Megjithatë, qëndrimi i tij u kundërshtua nga analisti tjetër Skënder Minxhozi, që mendon se dhuna u nxit nga vetë krerët e opozitës.
