Me një goditje të vetme mund të shënjestrojë suksesin e dyfishtë Champions-Europa League. Denis Suarez, mesfushori që aktualisht aderon te Arsenal, në fakt deri më 31 janar ishte i federuar te Barcelona, për tu transferuar më pas te “Topçinjtë”, duke ndryshuar fanellë.
Suarez, gjatë sezonit aktual ka koleksionuar dy aktivizime në Champions League me fanellën e klubit blaugrana, për një total prej 24’ minutash dhe po aq në Europa League me Arsenal, për një total prej 28’ minutash.
Me një total prej katër aktivizimesh dhe minutazh prej vetëm 52’ minutash në Europë, Denis Suarez mund të rezultojë fitues i të dy trofeve europianë, si Champions League, ashtu edhe Europa League.
Me Barcelonën që fitoi takimin e parë gjysmëfinal në Champions ndaj Liverpool me rezultatin 3-0, po ashtu edhe Arsenal fitues me rezultatin 3-1 ndaj Valencias në Europa League, finalet e dy kompeticioneve tashmë duket një fakt i kryer.
Një situatë kjo që mund të dëshmojë Denis Suarez si protagonist përmes fitimit të dy trofeve, për të vënë në qafë të dyja medaljet e dy kompeticioneve të ndryshme në të njëjtin sezon.
Suarez ka luajtur gjithashtu në Kupën e Mbretit dhe në La Liga, për tu përfshirë në listën e futbollistëve që mund të fitojnë tripletën e mundshme me ekipin blaugrana.
