Një grabitje me armë ka ndodhur pasditen e sotme në Rinas, ndërsa burimet policore bëjnë të ditur për Faxweb se ka të vdekur nga përplasja mes palëve. Gjithashtu persona të veshur me rroba ushtarake kanë grabitur rreth 2 milionë euro që po transportoheshin me mjetin blind drejt Rinasit.
Parapralisht dyshohet se ka një të vdekur, por nuk dihen ende rrethanat e qarta të precipitimit të ngjarjes.
Një mjet i cili po transportonte para është grabitur në Rinas, ndërkohë mësohet se mjeti të cilin kanë përdorur grabitësit ishte pa targa dhe mbante mbishkrimin e Hetimit Tatimor.
Burimet thonë se grabitësit janë nisur drejt Fushë-Krujës, ndërsa policia ka bllokuar të gjithë akset ku dyshohet se mund të kalojnë grabitësit.
