Duke marrë shkas nga lajmi se dosja ”Tahiri” shkon për gjykim, ish-deputeti i PS-së, Koço Kokëdhima kërkon hetim edhe për kryeministrin Edi Rama.
Dikur mik i ngushtë i Ramës, por sot në krahun opozitar, Kokëdhima thotë se Rama duhet të hetohet si kreu i kartelit të drogës, që sipas tij u instalua në Shqipëri nën qeverisjen e tij.
”Gjykata e Krimeve të Rënda vendosi dje që dosja voluminoze e prokurorisë kundër ish-ministrit të Brendshëm, Saimir Tahiri, të kalojë për gjykim. Prej tre vitesh ZGJIDHJA ka kërkuar dorëheqjen e Edi Ramës, sepse ai është modeli i kryeministrit që ndërhyn personalisht dhe bën presion mbi çdo gjykatës e prokuror. Ai duhet të hetohet sepse ka udhëhequr kartelin e drogës, bashkë me Tahirin’‘, shkruan ish-deputeti i PS-së Koço Kokëdhima .
