Superhëna e fundit e këtij viti do të ndriçojë qiellin në datat 20-21 mars.
Ky fenomen natyror do të ndodhë vetëm disa orë pas ekuinoksit të pranverës, që shënon fillimin e kësaj stine në hemisferën veriore.
Hera e fundit që ndodhi një rastësi e tillë ishte në mars të vitit 1981, ndërkohë ajo e radhës tjetër pas këtij viti, pra që superhëna të përkojë me ekuinoksin, pritet të ndodhë pas 11 vitesh.
Nga Mbretëria e Bashkuar, hëna do të arrijë ndriçimin 100% në orën 1:43 të enjten. Kjo do të jetë superhëna e tretë e këtij viti, pas eklipsit të 20 janarit dhe superhënës së plotë të muajit shkurt, e cila ishte edhe hëna e plotë më e madhe deri më 2026.
Superhëna e ardhshme do të shfaqet në mars 2020.Një tjetër ngjarje hapësinore do të ndodhë më 21-22 mars. Asteroidi EA2 2019 do të kalojë në afërsi të Tokës, por pa asnjë rrezik, sipas Qendrës “Minor Planet”, pjesë e “International Astronomical Union”, që është përgjegjës për vëzhgimin e trupave të vegjël në sistemin diellor (planetet e vogla, kometat dhe satelitët)